«Зямля Навагрудская, краю мой родны…»RSS

 2018-11-19   1274

Калі ж дазволіш Божа, мне ў той край вярнуцца,

З выгнання горкага, каб дома апынуцца…

Адам Міцкевіч

Сёлета спаўняецца 220 гадоў з дня нараджэння Адама Міцкевіча – паэта, публіцыста, грамадска-палітычнага дзеяча, дзіцячыя і юнацкія гады якога прайшлі ў Беларусі – у сучасным Навагрудскім раёне Гродзенскай вобласці.

З гэтай нагоды 19 лістапада 2018 г. супрацоўнікамі аддзела абслугоўвання для 2 курса лячэбнага факультэта было падрыхтавана і праведзена мерапрыемства «Зямля Навагрудская, краю мой родны…».

На ім студэнтам прапанавалася паглыбіць свае веды аб жыцці і творчасці Адама Міцкевіча, яны прагледзелі прэзентацыю з відэаролікам, а таксама здзейснілі віртуальнае падарожжа ў музей-сядзібу Адама Міцкевіча “Завоссе” і дом-музей у Навагрудку.

Праз усё жыццё пранёс геніяльны паэт узвышанае і пяшчотнае пачуццё любові да беларускай зямлі, на якой ён нарадзіўся 220 год назад, 24 снежня 1798 года. Тут, на Навагрудчыне, сярод маляўнічых узгоркаў прайшло дзяцінства і юнацтва паэта.

Да самай смерці, якая наступіла ў Канстанцінопалі 26 лістапада 1855 года, Міцкевіч імкнуўся ў “айчыну сваёй думкі”, да беларускіх палёў і лясоў.

Свае адносіны да беларускай мовы, фальклору, да нашай гісторыі Адам Міцкевіч засведчыў у сваіх лекцыях у Каледж дэ Франс, сцвярджаючы «…На беларускай мове, якую называюць русінскай або літоўска-рускай… гаворыць каля дзесяці мільёнаў чалавек; гэта самая багатая і самая чыстая гаворка, яна ўзнікла даўно і цудоўна распрацавана. У перыяд незалежнасці Літвы вялікія князі карысталіся ёю для сваёй дыпламатычнай перапіскі».

Адам Міцкевіч сёння трактуецца не толькі як вялікі паэт, прарок, геній, але і магутная асоба, творца, што адкрываў свету Беларусь, беларускую мову, беларускую гісторыю.

Паглядзець фотоотчет


Вернуться в каталог всех новостей

Контакты

Консультации

Онлайн-запись

В помощь научной деятельности

Виртуальные выставки

  • Тестовые доступы

    Ресурсы по подписке

    Наши опросы

    С юмором о библиотеках

    Ближайшие даты

    Календарь медицинских праздников и событий

    Ошибка в тексте?