Паважаныя чытачы! Запрашаем Вас на прагляд віртуальнай выставы "Я любоўю багаты" (да 85-годдзя з дня нараджэння Уладзiмiра Караткевiча).

26 лістапада спаўняецца 85 гадоў з дня нараджэння Уладзіміра Караткевіча (1930-1984), беларускага пісьменніка, драматурга, публіцыста, перакладчыка, кінасцэнарыста.

Уладзімір Караткевіч - класік беларускай літаратуры, які пакінуў заўважны след ва ўсіх жанрах - паэзіі, прозе, драматургіі, публіцыстыцы, перакладзе. За сваю літаратурную дзейнасць Уладзімір Караткевіч узнагароджаны ордэнам Дружбы народаў. Ён - лаўрэат літаратурнай прэміі Саюза пісьменнікаў Беларусі імя Івана Мележа.

"Я любоўю багаты"

"Дзе мой край? Там, дзе вечную песню пяе Белавежа, Там, дзе Нёман на захадзе помніць варожую кроў, Дзе на ўзвышшах Наваградскіх дрэмлюць суровыя вежы І вішнёвыя хаты глядзяцца ў шырокі Дняпро".

83.3(4Беи) М21 Мальдзіс, Адам Іосіфавіч. Жыцце і ўзнясенне Уладзіміра Караткевіча [Текст] : партрэт пісьменніка і чалавека / Адам Мальдзіс. - Мінск : Мастац. літ., 1990. - 230 с.

Уладзімір Караткевіч апярэджваў свой час, узняўся над застойным канфармізмам, над паўсядзённасцю і бездухоўнасцю да вышыняў, з якіх добра відаць шляхі, што лучаць мінулае з будучыняй, чалавека з людзьмі і народамі. Пісьменнік незвычайнага, рэнесанснага таленту, ён стаў зоркай першай велічыні на нацыянальным літаратурным небасхіле. I задача гэтай кнігі — растлумачыць, хаця б часткова, той феномен, імя якому Караткевіч. У кнізе змешчаны малюнкі пісьменніка.

Скачать PDF-версию выставки