Трэці том шасцітомнага выдання "Традыцыйная мастацкая культура беларусаў" падрыхтаваны па выніках трохгадовага (1999—2001) комплекснага фальклорна-этнаграфічнага даследавання традыцыйнай мастацкай культуры рэгіёна Гродзенскага Панямоння, выкананага калектывам супрацоўнікаў лабараторыі традыцыйнага мастацтва Беларускага дзяржаўнага інстытута праблем культуры, і складаецца з дзвюх кніг.

У кнігу першую ўвайшлі матэрыялы, якія даюць уяўленне аб адметных асаблівасцях асноўных відаў і жанраў мясцовай традыцыйнай культуры: каляндарных і сямейных звычаяў і абрадаў, песеннага і інструментальнага фальклору.

Выданне ілюстравана фатаграфічнымі і нотнымі матэрыяламі.

Разлічана на навукоўцаў-гуманітарыяў, выкладчыкаў і студэнтаў вышэйшых і сярэдніх навучальных устаноў, настаўнікаў, работнікаў культуры, кіраўнікоў прафесійных і аматарскіх мастацкіх калектываў, шырокае кола зацікаўленых беларускім традыцыйным мастацтвам.

У выданні ўпершыню ў беларускай этналогіі на падставе матэрыялаў шматгадовых палявых экспедыцыйных даследаванняў, статыстычных і архіўных крыніц аналізуюцца сучасныя этнакультурныя працэсы, развіццё навуковай думкі аб паходжанні беларусаў, асноўныя фактары этнакультурнай дынамікі. Раскрываецца роля дзяржавы ў фарміраванні сучасных этнакультурных працэсаў, апісваюцца сучасныя святы, традыцыі сямейнага выхавання і этнакультурныя змены ў сям'і, прафесійная культура і дэкаратыўна-прыкладное мастацтва.

Кніга будзе карыснай для спецыялістаў дзяржаўных устаноў, выкладчыкаў ВНУ, а таксама этнолагаў, гісторыкаў, культуролагаў, сацыёлагаў, эканамістаў і для шырокага кола чытачоў, якія цікавяцца пытаннямі культуры беларусаў.

Прадстаўленыя ў зборніку сцэнарыі народных свят і абрадаў аўтар ствараў выкарыстоўваючы сабраныя ім узоры фальклору і творы класікаў оеларускаы літаратуры. У большасці яны былі пастаулены ім самім на сцэнічных пляцоўках і ў варыянтах тэатра пад адкрытым небам Відовішчы ўвасобленыя паводле гэтых сцэнарыяў прыхільна сустрэты гледачамі не толькі ў Беларусі, але і за яе межамі.

Сцэнарыі знойдуць выкарыстанне ў рэжысерау, работнiкаў культуры, у школьна-студэнцкім асяроддзі, а таксама будуць цікавымі шырокаму колу чытачоў, тым, хто неабыякавы да нацыянальнай культуры.

На аснове разнастайных крыніц — этнаграфічных, фальклорных, літаратурных, філасофскіх — апавядаецца пра беларускі нацыянальны характар, пра тое, як на працягу многіх стагодцзяў у розных абставінах фарміраваліся асновы тых ці іншых рыс характару беларусаў.

У хрэстаматыі прадстаўлены лепшыя ўзоры каляндарна-абрадавай і сямейна-абрадавай паэзіі, казачнага эпасу, народнага тэатра, дзіцячага фальклору. Асобна пададзены фальклор рабочых, паэзія змагання і народна-паэтычная спадчына Заходняй Беларусі.

Трэцяе выданне выйшла ў 1985 г.